១. និយមន័យ
អំនួត គឺជាការបដិសេធ(មិនទទួលយក)ការពិត និងជាការមេីលងាយមនុស្សលោក(صحيح مسلم ٩١)។ អំនួត គឺជាការដំឡើងឫកខ្លួនឯង ជាការសរសេីរខ្លួនឯង និងជាការអួតអាងពីខ្លួនឯងចំពោះមុខអ្នកដទៃ។ អំនួត កេីតមាននៅក្នុងចិត្ត នៅក្នុងពាក្យសម្ដី និងនៅក្នុងអាកប្បកិរិយា។ ចាមយេីងច្រេីននិយាយថា «តាកាប់ហ្ពូរ»
២.ប្រភេទអំនួត
អំនួត មានបីប្រភេទ៖
1. អំនួតចំពោះអល់ឡោះ ដូចជា فرعون ហ្វៀរអូន។
2. អំនួតចំពោះរ៉សូលុលឡោះ ﷺ ដោយមិនព្រមតាមសុណ្ណះរបស់គាត់ជាមួយនឹងភាពក្អេងក្អាង ល្ងង់ខ្លៅ និងរឹងក្បាល(ប្រឆាំង) ដូចជា كفار قريش និងអ្នកដែលមេីលងាយ(លេងសេីចនឹង)សុណ្ណះណាពីជាដេីម។
3. អំនួតចំពោះមនុស្សលោក ដោយលេីកតម្កេីងខ្លួនឯង និងមេីលងាយមេីលថោកអ្នកដទៃ។
អំនួតប្រភេទទីមួយ និងទីពីរ គឺធ្វេីឱ្យសមីខ្លួនចេញពីឥស្លាម ហេីយប្រភេទទី៣ គឺជាអំពេីរបាបកម្មធំបំផុតមួយ។
៤. ខ្លះៗនៃរូបភាពអ្នកមានអំនួត
1. ចង់ឱ្យគេក្រោកឈរគោរព ពេលខ្លួនមកដល់
2. ដេីរទៅណា ចង់ឱ្យមានមនុស្សដេីរតាមពីក្រោយ
3. មិនចង់ទៅរក(លេងជាមួយ)គេ ចង់ឱ្យតែគេមករក
4. មិនចង់អង្គុយលេងជាមួយអ្នកជម្ងឺ និងអ្នកក្រីក្រ
5. មិនចូលរួមកម្មវិធីរបស់អ្នកក្រខ្សត់ រេីសអេីងពួកគេ
៥. អ្វីខ្លះដែលមនុស្សយកទៅអួតគ្នា
1. ចំណេះដឹង : អាងខ្លួនឯងចេះបន្តិចបន្តួច អួតអ្នកដែលគ្នាមិនចេះ តាមពិតចំណេះដឹងដែលត្រឹមត្រូវពិតប្រាកដ រុញមនុស្សទៅរកការចេះដាក់ខ្លួនវិញទេ តែនេះបែបគ្មានចិត្តស្មោះត្រង់ក្នុងការស្វែងរកចំណេះដឹងទេ ទេីបបានជាយកចំណេះដឹងទៅអួតគេដូច្នោះ។
2. អំពេីរល្អ និងអុីហ្ពាហ្ទាត់ : អ្នកខ្លះបានធ្វេីល្អ រួចមិនបានប្រាប់គេ គឺនៅមិនសុខ។ ការធ្វេីល្អដែលគ្រាន់តែដេីម្បីយកទៅអួតគេ គឺខាតទាំងកម្លាំង ឬទ្រព្យសម្បត្តិ និងខាតទាំងការទទួលបាបកម្ម។
3. ពូជអម្បូរ និងសញ្ជាតិ : អួតអាងពីពូជអម្បូរ ឬសញ្ជាតិខ្លួនឯង ច្រេីនតែជាមនុស្សមិនបានការ ដ្បិតអីខ្លួនខ្សោយ មានតែអាងខ្សែ។
4. សម្រស់ : ហេីយរឿងនេះ ច្រេីនតែកេីតឡេីងចំពោះមនុស្សស្រី ចំណែកមនុស្សប្រុសដែលអួតពីសម្រស់ ច្រេីនតែមិនពេញលក្ខណៈ។
5. ទ្រព្យសម្បត្តិ : រឿងនេះច្រេីនកេីតមានចំពោះអ្នកជំនួញ មហាសេដ្ឋី និងអ្នកដែលអួតពីសម្ភារ:ប្រេីប្រាស់ខាងក្រៅ។ ចំពោះសម្ភារៈ និងសម្លៀកបំពាក់ផ្សេងៗ បេីយេីងប្រេីប្រាស់គ្រាន់តែដោយសារចង់ស្អាតល្អ គ្មានចិត្តចង់អួត ឬមាក់ងាយអ្នកណា នោះគ្មានបញ្ហាអ្វីឡេីយ ព្រោះអល់ឡោះគឺល្អណាស់ ទ្រង់ស្រលាញ់អ្វីដែលល្អ(صحيح مسلم ٩١)។
6. កម្លាំង និងឋានៈសក្តិ : អាងខ្លួនខ្លាំងពូកែ ឬមានអំណាច មេីលងាយអ្នកទន់ខ្សោយ មនុស្សបែបនេះគ្មានតម្លៃ និងមិនគួរឱ្យគោរពទេ។
7. ចំនួនកូនចៅ សាច់ញាតិ សិស្ស អ្នកគាំទ្រ ឬចំនួនអ្នកឡែក អ្នកហ្វូឡូជាដេីម សុទ្ធសឹងជាអ្វីដែលគេយកទៅអួតអាងប្រាប់អ្នកដទៃ ហេីយនេះគឺមិនត្រឹមត្រូវឡេីយ។
8. ផ្សេងៗជាច្រេីនទៀត
៦. សំខាន់
មនុស្សដែលមានចេតនាចង់ប្រាប់គេ ឬបង្ហាញគេថាខ្លួនជាមនុស្សចេះដាក់ខ្លួន ម្នាក់នោះហេីយគឺជាមនុស្សអួត។ ការដែលខ្លួនមិនចេះ ប៉ុន្តែមិនចង់រៀនជាមួយនរណាម្នាក់ ឬសួរនរណាម្នាក់ ដោយខ្លាចគេថាខ្លួនអន់ នោះក៏ជាអំនួត។ ការដែលយល់ថាហូកំអ្វីមួយខុសហេីយ ប៉ុន្តែនៅបន្តធ្វេីវា ដោយខ្លាចគេថាខ្លួនចោលចាស់ នោះក៏ជាអំនួត។ អួតនឹងអ្វីផ្សេង គឺខុសទៅហេីយ ប៉ុន្តែអួតនឹងចំណេះដឹងសាសនា គឺអាក្រក់ខ្លាំងណាស់។ គ្មាននរណាចូលចិត្ត ឬចង់រាប់អានជាមួយមនុស្សមានអំនួតឡេីយ។ អ្នកក្រដែលមានអំនួត អល់ឡោះនឹងមិននិយាយរកគេឡេីយនៅថ្ងៃបរលោក(صحيح مسلم ١٠٧)។ អំនួត គឺជាចរិតរបស់អិបលីស ស្សៃតន ដូច្នេះចូរកុំមានអំនួត។
