១. និយមន័យ
យល់សប្តិ គឺជាអ្វីដែលយេីងបានឃេីញពេលកំពុងដេកលក់ (យេីងក៏អាចសរសេរជា យល់សប្ត ឬយល់សប្ន និងអាចហៅមួយបែបទៀតគឺ សុបិន)។ តែបើឃើញពេលកំពុងដេកលក់ថ្ងៃ គេច្រើនហៅថា យល់សូង។ (ជួន ណាត)
២. ប្រភេទយល់សប្តិ
នៅក្នុង (صحيح مسلم ٢٢٦٣) ណាពី ﷺ បានបែងចែកការយល់សប្តិ ទៅជាបីប្រភេទ៖
1. យល់សប្តិល្អ (ជាដំណឹងល្អពីអល់ឡោះ)
2. យល់សប្តិអាក្រក់ (ជាការបន្លាចពីស្សៃតន)
3. អារម្មណ៍រវេីរវាយ (គិតអ្វីម្យ៉ាងច្រេីនមុនគេង)
៣. យល់សប្តិល្អ
ប្រសិនបេីយេីង យល់សប្តិឃេីញរឿងល្អ៖
1. យេីងគួរតែអរគុណទៅចំពោះអល់ឡោះ(صحيح البخاري ٦٩٨٥)
2. យេីងអាចនិយាយប្រាប់អ្នកផ្សេងបាន(صحيح البخاري ٦٩٨٥)
3. ខ្ញុំយល់ថា យេីងគួរតែសុំពីអល់ឡោះ ឱ្យរឿងនោះកេីតឡេីង
៤. យល់សប្តិអាក្រក់
ប្រសិនបេីយេីង យល់សប្តិឃេីញរឿងអាក្រក់៖
1. យេីងគួរតែសុំពីអល់ឡោះបញ្ជៀសវា(صحيح البخاري ٦٩٨٥)
2. យេីងមិនគួរនិយាយប្រាប់អ្នកដទៃ(صحيح البخاري ٦٩٨٥)
3. យេីងត្រូវដឹងថា វាគ្មានគ្រោះថ្នាក់អ្វីដល់យេីងឡេីយ(صحيح البخاري ٦٩٨٥)
4. យេីងគួរសូត្រ أَعُوذُ بِاللهِ مِنَ الشَّيْطَانِ الرَّجِيم បីដង (صحيح مسلم ٢٢٦٢)
5. យេីងគួរស្ដោះទឹកមាត់(បញ្ចេញខ្យល់ដែលមានទឹកមាត់តិចៗជាប់ជាមួយ) ទៅខាងឆ្វេងដៃ បីដង(صحيح البخاري ٦٩٩٥)
6. យេីងគួរប្ដូរទិសគេង(ឧ. បេីគេងបែរមុខទៅខាងលិច ប្ដូរមកទិសខាងកេីតវិញ) (صحيح مسلم ٢٢٦٢)
7. យេីងគួរក្រោក ហេីយសឡាតសូណាត់(صحيح مسلم ٢٢٦٣)
៥. យល់សប្តិ មិនអាចយកមកធ្វេីហូកំ
អូឡាម៉ាក បានឯកភាពគ្នាថា៖ យល់សប្តិ មិនអាចយកមកធ្វេីជាហូកំ(ច្បាប់)ឥស្លាមបានឡេីយ មិនថាការយល់សប្តិនោះ ឃេីញរឿងល្អយ៉ាងណាក៏ដោយ។ រឹតតែមិនអាច យកធ្វេីជាសាក្សីក្នុងតុលាកាដេីម្បីសម្រេចកាត់ក្ដីនរណាម្នាក់ ឬសម្រេចក្នុងរឿងសំខាន់អ្វីមួយ។ អុីម៉ាំ النووي ណាវ៉ាវី رحمه الله បាននិយាយថា៖ ប្រសិនបេីបុគ្គលណាម្នាក់ នៅក្នុងយប់ទី៣០ នៃខែ شعبان (ខែស្សាក់ហ្ពាន លេខរៀងនៅមុនខែរ៉ម៉ាទន) បានយល់សប្តិឃេីញណាពី ﷺ មកប្រាប់ថា យប់នេះ គឺជាយប់ទីមួយ នៃខែរ៉ម៉ាទន នោះយេីងមិនអាចបួសតាមការយល់សប្តិរបស់គាត់បានឡេីយ ហេីយអ្នកដែលយល់សប្តិនោះ ក៏មិនអាចបួសបានដែរ។
មានតែកាយល់សប្តិរបស់បណ្ដាណាពីៗ និងរ៉សូលៗរបស់អល់ឡោះប៉ុណ្ណោះ ដែលជាការពិតទាំងអស់ ហេីយសម័យនេះ គ្មានទៀតឡេីយណាពី និងគ្មានទៀតឡេីយរ៉សូល។ ដូច្នេះ យល់សប្តិទាំងឡាយ មិនអាចយកមកធ្វេីច្បាប់បានឡេីយ ក៏មិនអាចយកមកធ្វេីជាខ្នាតសម្រាប់វាស់ខុសត្រូវបានដែរ គ្រប់យ៉ាងនៅក្នុងហូកំឥស្លាម គឺត្រូវពឹងផ្អែកទៅលេីកូរ៉ាអាន និងមាគ៌ារ៉សូលុលឡោះ ﷺ តាមការយល់ឃេីញរបស់សហាហ្ពាត់ នឹងអូឡាកជំនាន់មុន។
៦. គំនិតផ្ទាល់ខ្លួន
ចូរកុំខ្លាចពីការយល់សប្តិអាក្រក់ ហេីយកុំរំពឹងខ្ពស់ពេក ពីការយល់សប្តិល្អ។ ភាគច្រេីន វាមិនមែនជាការយល់សប្តិពិតប្រាកដនោះទេ វាគ្រាន់តែជាអារម្មណ៍រវេីរវាយ ដែលកេីតចេញពីការគិតច្រេីនពេក មុនពេលគេងប៉ុណ្ណោះ។
